Жаңылыктар

Банктык төлөм картасы (карта), ошондой эле ага байланыштуу кирүү каражаттары (PIN-код, CVV/CVC-код, логиндер, сырсөздөр жана картаны дистанциялык сервистерде пайдаланууда колдонулуучу башка аутентификация каражаттары) картанын ээси тарабынан жеке пайдалануу үчүн гана арналган.

Картанын ээсине банктык төлөм картасын, анын реквизиттерин, ошондой эле логиндерди, сырсөздөрдү жана картага кирүү үчүн башка каражаттарды үчүнчү жактарга берүүгө, сатууга же башка жол менен пайдаланууга берүүгө тыюу салынат.

Картанын ээси Кыргыз Республикасынын мыйзамдарына ылайык картаны жана (же) ага кирүү каражаттарын үчүнчү жактарга берүү же сатуу үчүн, ошондой эле укукка каршы аракеттерди жүзөгө ашыруу максатында үчүнчү жактардын көрсөтмөсү боюнча жана (же) алардын кызыкчылыгында картаны пайдалануу менен жүргүзүлгөн финансылык операциялар үчүн жоопкерчилик тартат. Мындай аракеттерди жасоо күнөөлүү адамдарды Кыргыз Республикасынын мыйзамдарына ылайык жоопкерчиликке, анын ичинде кылмыш-жаза жоопкерчилигине тартууга негиз болушу мүмкүн.